سٹرائیک کی کتھا
ویسے کمال و حیرت ہے ان صنفِ نازک و نازک اندام ماہ جبینوں پہ۔۔۔۔۔۔۔۔!
جو ہمارے ساتھ قدم بہ قدم چل رہی تھیں بلکہ ہم سے بھی دو چار قدم آگے چل رہی تھیں۔۔۔۔۔۔۔۔!
دونوں ہاتھ فضا میں بلند کر کے نعروں کا جواب دے رہی تھیں۔۔۔۔۔۔۔۔!
ایسے تیز و تند موسم میں برقعے و سکارف میں لپٹی ماہ جبینئیں و حسینائیں۔۔۔۔۔۔۔۔!
فضا بیک وقت کوئلوں کی کُوک سے۔۔۔۔۔۔۔۔!
کلئیوں کے چٹخنے و پھولوں کے کھلنے کی آوازوں سے گونج گونج جاتی تھی۔۔۔۔۔۔۔۔!
کہیں فضاؤں میں قوس قزح کے رنگ بکھیرتی ہنسی۔۔۔۔۔۔۔۔!
کہیں قہقہے فضا میں جلترنگ بکھیر رہے تھے۔۔۔۔۔۔۔۔!
کچھ نازک اندام و نفاست پسند ماہ جبینیں اپنے نفیس، عمدہ و خوبصورت ہینڈ بیگز سے مہکتے ٹشو پیپرز کو اپنی مخروطی انگلیوں میں تھام کر ان مہکتے ٹشوز میں شبنمی بوندوں کو قید کرنے سے پہلے اپنی جھیل سی گہری آنکھوں۔۔۔۔۔۔۔۔!
کسی کی نیلگوں، کسی کی کتئھی، کسی کی قرمزی آنکھیں۔۔۔۔۔۔۔۔!
ان سے انتہائی دلفریب انداز میں ادھر ادھر چوکنہ ہرنیوں جیسی نظروں سے دیکھتی ہیں کہ کہیں کوئی ان ماہ رُخوں کی جلوہ افروزی سے لظف و اندوز و انسباط تو حاصل نہیں کر رہا۔۔۔۔۔۔۔۔!
پھر اطمینان بخش انداز میں اپنی خوبصورت نازک اندام مخروطی انگلیوں سے اپنے ماہ رخ سے سکارف کا سرا سرکا کر انتہائی نفاست سے اپنے گُل رخ پہ بکھری شبنمی بوندوں، دھوپ کی تمازت سے تمتماتے شہابی گالوں، ستواں ناک، چاہ خنداں ٹھوڑی، انتہائی قرینے سے بنائے خمیدہ ابرؤوں، شفاف جبین کو اپنی مخروطی انگلیوں میں تھامے ٹشوز میں جذب کرتی ہیں۔۔۔۔۔۔۔۔!
ٹشوز اپنی عزت افزائی و خوش نصیبی پہ جھوم جھوم جاتے ہیں۔ لیکن وہ ماہ جبینیں انہیں زمین پہ پھینک دیتی ہیں۔۔۔۔۔۔۔۔!
اور وہ ان کے ہاتھوں سے الوداعی انداز میِں رخصت ہوتے ان کے قدموں میں گرتے ہیں۔۔۔۔۔۔۔۔!
اور کئی ماہ جبینوں کے قدموں تلے رندھتے ہوئے خاک و مٹی میں مل جاتے ہیں لیکن مسکرا رہے ہوتے ہیں۔۔۔۔۔۔۔۔!
کئی ماہ جبینیں اپنے گُل رخوں پہ آئی شبنمی بوندوں، اپنی شفاف جبین، شہابی گالوں، ستواں ناک پہ پھوٹتی، چاہ خنداں پہ آئی شبنمی بوندوں کو اپنی نرم و نازک و شفاف مخروطی انگلیوں سے پونجھتی ہیں۔۔۔۔۔۔۔۔!
تھوڑی دیر پہلے اپنی خوش قسمتی پہ رقص کرنے والی شبنمی بوندیں انتہائی بے بسی و لاچاری کی تصویر بنی ان ماہ جبینوں کی مخروطی انگلیوں سے الوداعی انداز میں رخصت ہوتی جیسے ہی زمین پر گرتی ہیں۔۔۔۔۔۔۔۔!
وہ ان ماہ جبینوں و گل رخوں کے قدموں تلے رندھ کر خاک و دھول کا حصہ بن جاتی ہیں۔۔۔۔۔۔۔۔!
👍👍👍بہت اعلیٰ
ReplyDeleteRespect....
Deleteجزاک اللّٰہ خیرا کثیرا و احسن الجزاء